Տարած. ուղեցույցեր

Մեր էկոտուրիզմի միջազգային փորձագետի առաջին այցելությունից հետո ստացված տվյալներից, գնահատման արդյունքներից և եզրակացություններից ելնելով և EUROPARC խարտիայի պահանջները հաշվի առնելով՝ մշակվել է Հարավային Կովկասում պահպանվող տարածքների անհատական մակարդակում էկոտուրիզմի զարգացման՝ հետևյալ 10 կետից բաղկացած ուղեցույցի սևագիր տարբերակ.

1. Շահառուների ներգրավվածություն
2. Փաստահավաքում և գնահատում
3. Էկոտուրիզմի ռազմավարություն և գործողությունների պլան
4. Մարդկային ռեսուրսների զարգացում և հնարավորությունների ստեղծում
5. Ծառայությունների մշակում և առաջխաղացում
6. Մարքեթինգ և տեղեկացում
7. Եկամուտների ավելացում
8. Այցելությունների և հարմարությունների կառավարում
9. Մոնիտորինգի և հետադարձ կապի ապահովում
10. Պահպանվող տարածքների միջև ցանցային համագործակցություն և աջակցություն

Հայաստանի պահպանվող տարածքներում (պիլոտային տարբերակը՝ ԴԱՊ-ի պահպանվող տարածքում) էկոտուրիզմի զարգացման համար EUROPARC խարտիայի դրույթների հիման վրա տարածաշրջանային ուղեցույցի ներդրումը նպատակ ունի.

• բարձրացնել պահպանվող տարածքներում էկոտուրիզմի զարգացման ծրագրերի պատշաճ կառավարման և առաջխաղացման հնարավորությունների մասին տեղեկացվածության աստիճանը և բարելավել նպատակների սահմանման մեխանիզմները՝ աջակցելով բնապահպանությանը և կայուն օգտագործմանը/զարգացմանն ուղղված ջանքերին
• ապահովել պահպանվող տարածքներում կառավարման մոտեցումների կիրառման հետևողականություն և այցելուներին մատուցվող ծառայությունների պատշաճ որակ
• ապահովել պահպանվող տարածքներում էկոտուրիզմի կառավարման համապատասխանություն միջազգային ուղեցույցներին և լավագույն փորձին
• ապահովել պահպանվող տարածքներում էկոտուրիզմի զարգացման ազգային ռազմավարությունների մշակման համար հիմքեր
• սահմանել sառանձին պահպանվող տարածքներում էկոտուրիզմի զարգացման պլանների գնահատման, վերանայման և իրականացման չափանիշեր
• Հարավային Կովկասում պահպանվող տարածքների համար ստեղծել որպես էկոտուրիզմի ուղղություն պատշաճ առաջխաղացման հնարավորություններ